आज विश्व शहरीकरण दिवस
पढ्न लाग्ने समय : 1 मिनेट
अक्टोबर ३१ विश्व शहरीकरण दिवस । २०१४ मा पहिलो शहरीकरण दिवस मनाइएको थियो । संयुक्त राष्ट्र संघको मानव बसोबास कार्यक्रम (UN-Habitat)को अगुवाइमा यो दिवस मनाउने गरिएको छ ।
गाउँको छुट्टै मौलिक पहिचान हुन्छ । तर, शहर भन्ने बित्तिकै सबैको अनुमानमा सुविधासम्पन्न संसार भन्ने धारणा हुन्छ । शहर एक ठूलो मानव समुदायलाई व्यवस्थित आवास, यातायात, स्वच्छता, उपयोगिता, भूमिको उपयोग र संचारका लागि व्यापक सुविधायुक्त जगत हो । शहरीकरण भन्नाले एक स्मार्ट र हरियो शहर बनाउने भन्ने मात्र पनि हैन, यो त सांस्कृतिक, सामाजिक, आर्थिक र राजनीतिक जगतको स्थापना गर्नु पनि हो ।
अन्तर्राष्ट्रिय समुदायको हितलाई बढावा दिन विश्वव्यापी शहरीकरणको अवसरहरू भेट्न, शहरीकरणको चुनौतिहरू सम्बोधन गर्न, गाउँ र शहरहरूबीचको सहयोग बढाउन र शहरी विकासका लागि योगदान पुर्याउन विश्व शहरीकरण दिवस मनाइन्छ ।
नेपालमा मलिला खेतबारीहरू क्रमश सिमेन्टका जंगल/संरचनाहरुमा परिणत भइरहेका छन्, शहर विकासको द्योतक त होला तर शहरीकरण व्यवस्थित र मर्यादित हुन जरुरी छ ।
नेपाल पहिले कस्तो थियो, अहिले कस्तो भयो !