विक्रम सम्वत १९४२ साल कात्तिक २५ गते इलामको चुक्चिनाम्वामा जन्मिएका फलामसिंह लिंदेनले पाँचथरलाई कर्मभुमी बनाएर जीवनको अन्तिम घडीसम्म सांस्कृतिक अभियानको ज्ञान छरेका थिए । उनले १९८८ बैशाख २४ गते पाँचथरको शिलौटीमा तत्कालिन १० लिम्वुवानका प्रतिनिधि बोलाएर किराँत याक्थुङ बृहत् चुम्लुङ बोलाएर १० बुँदे सत्य धर्म मुचुल्का पारित गराएका थिए ।
जस्लाई किराँत समुदायले किराँत सस्कृतिको पहिलो खुट्किलोका रुपमा लिँदै बैशाख २४ गते समाज सुधार दिवसका रुपमा मनाउने गरिन्छ । उनको निधन २००५ साल चैत २२ गते भएको थियो ।

फाल्गुनन्दलाई  नेपाल सरकारले २०६६ साल मंसिर १६ गते राष्ट्रिय विभुति घोषणा गर्‍यो उनी नेपालका १६ औं राष्ट्रिय विभूति हुन त्यस्तै महागुरु फाल्गुनन्द लिंदेनको सम्मानमा वि.संं २०५० सालमा  नेपाल सरकारले उनको फोटो अंकित हुलाक टिकट समेत प्रकाशन गरेको छ ।  महागुरू फाल्गुनन्दको जन्मजयन्ती अर्थात कार्तिक २५ गतेलाई प्रदेश १ सरकारले सार्वजनिक बिदा दिने गरेको छ भने नेपाल सरकारले सम्बन्धित धर्मावलम्बीहरूमा सार्वजनिक बिदा दिँदै आएको छ । 

महागुरु फाल्गुनन्द सुत्ने पलङ