रेडक्रस सोसाइटी स्थापना भएको करिब १०० वर्षपछि नेपालमा रेडक्रसको स्थापना भएको हो । नेपालमा परोपकारी संस्था रेडक्रसको स्थापना गर्न महत्वपूर्ण भूमिका खेलेकी अधिराजकुमारी प्रिन्सेप शाह उक्त संस्थाकी पहिलो अध्यक्ष थिएन् ।

उनी राजा महेन्द्रका भाइ अधिराजकुमार हिमालयशमशेरकी श्रीमती तथा तत्कालीन अधिराजकुमारी हुन् । ८ जेठ ०३९ सम्म १८ वर्ष निरन्तर अध्यक्ष भइन् । उनीपछि १६ मंसिर ०४७ सम्म ८ वर्ष हेलेन शाह अध्यक्ष थिइन् । उनी महेन्द्रका कान्छा भाइ बसुन्धराकी श्रीमती हुन् । त्यसपछि संजीव थापा र प्रो.डा. विश्व केशर मास्केले नेपाल रेडक्रस सोसाइटीको अध्यता गरिसकेका छन् भने हाल डा. नेत्र प्रसाद तिमल्सिनाले उक्त पद सम्हालिरहेका छन् । 

नेपाल रेडक्रस सोसाइटीले विपद्को समयमा पीडित व्यक्तिहरूलाई राहत वितरण, आपत्कालीन प्राथमिक उपचार प्रदान गर्नुको साथै एम्बुलेन्स, रक्तसंचार सेवा, आँखा उपचार र पारिवारिक सम्पर्क पुनःस्थापनाजस्ता सेवाहरू प्रदान गर्दै आइरहेको छ । यसैगरी नेरेसोले पिछडिएका समुदायहरूमा विपद् जोखिम न्यूनीकरण, खानेपानी सरसफाइ अभियान, सडक सुरक्षा र अपत्कालीन स्वास्थ्यमा सहयोग प्रदान गर्दै आएको छ ।