२०१६ सालको गोकर्णे औंसी
पढ्न लाग्ने समय : 1 मिनेट
प्रत्येक वर्ष भाद्र कृष्ण औँसीका दिन मनाइने बाबुको मुख हेर्ने पर्व देशभर पितालाई विशेष सम्मान गरी मनाउने गरिन्छ ।
मृत पिताका नाममा उपत्यकाको उत्तर–पूर्वी भेगस्थित गोकर्णेश्वरमा गई तर्पण, सिदा दान र श्राद्ध गरेमा पितृ ऋणबाट मुक्त भइने शास्त्रीय मान्यता रहेको पाइन्छ । गोकर्णमा विशेष मेला लाग्ने भएकाले आजको औँसीलाई गोकर्णे औंसी पनि भनिन्छ । गोकर्णेश्वरमा श्राद्ध गर्न काठ उपत्यका अतिरिक्त देशका विभिन्न स्थानबाट पिता दिवंगत हुने सन्ततिहरूको घुँइचो लाग्दछ ।
गोकर्णेश्वर उत्तरगया, बेत्रावती उत्तरगया लगायत पवित्रस्थलमा गई पितृप्रति सम्मानका साथ श्राद्ध गर्दा घर, मामाघर र ससुरालीतर्फका तीन–तीन पुस्ताका पितृले मोक्ष पाउने धार्मिक विश्वास छ ।
हेराैं वि.संं २०१६ सालको भाद्र कृष्ण औँसीका दिन गोकर्णेश्वरमा श्रद्धालुहरूको चहलपलः
