वि.सं. २०२१ सालको भाद्र ४ गतेदेखि मनाउन शुरु गरिएको रार्ष्ट्रिय बालदिवस २०६३ सालमा आएर भाद्र २९ गते मनाउन सुरु गरियो । इतिहासलाई फर्केर हेर्दा नेपालमा रार्ष्ट्रिय बालदिवसमा रत्नराज्य लक्ष्मीदेवी शाहले भारत भ्रमण गर्ने क्रममा भारतमा महात्मा गान्धीको जन्मदिनमा रार्ष्ट्रिय बालदिवस मनाउने गरेको र भारतका प्रभावशाली राजनेताद्धारा समाजसेवामा सक्रियताका साथ लागेको देख्नुभयो । तत्काल भारतबाट फर्केपछि मुमा रत्नद्वारा आफ्नो जन्म दिन पारी वि.सं. २०२१ भाद्र ४ मा नेपाल बाल सङ्गठन स्थापना गरी आफ्नै जन्म दिनमा बालमन्दिर मार्फत टुहुरा अनाथ बालबालिकाको संरक्षणको थालनी गरेको दिनलाई नै रार्ष्ट्रिय बालदिवसको घोषणा गरी सो समयदेखि नियमित रूपमा बालदिवस मनाउन थालिएको पाइन्छ । ४ भाद्रका दिनलाई रार्ष्ट्रिय बालदिवसको रूपमा देशले ४२ वटा बालदिवस मनायो ।

लोकतन्त्रको स्थापना पश्चात यसको पुरानो संरचनामा केही फेरबदल भयो परिणामस्वरुप देशमा स्थापना भएको लोकतन्त्रले रार्ष्ट्रिय बालदिवसका मितिलाई पनि परिवर्तन गर्यो । संयुक्त राष्ट्र संघीय बाल अधिकार सम्बन्धी महासन्धि १९८९ लाई सेप्टेम्बर १४, १९९० (भदाै २९, २०४७) मा अनुमोदन गरेर नेपालले बालबालिकाको विकास, बाल अधिकारको संरक्षण र बाल सहभागिता जस्ता विषयमा आफ्नो अन्तर्राष्ट्रिय प्रतिबद्धता प्रकट गरेको स्मरण गर्दै भाद्र २९ मा रार्ष्ट्रिय बालदिवस मनाउन थालियो । 

#childrensdaynepal