अगष्ट २६, अन्तर्राष्ट्रिय कुकुर दिवस
पढ्न लाग्ने समय : 2 मिनेट
आज अन्तर्राष्ट्रिय कुकुर दिवस। परापूर्वकालदेखि नै मानवजातिको साथी बनेको कुकुर सबै मुलुकमा घरपालुवाका रूपमा मानवसँग बस्दै आएको छ । कुकुर संसारको सबैभन्दा लोकप्रिय पाल्तु जनावर हो ।
भनिन्छ हजारौं वर्षअघिदेखि नै संसारमा कुकुरहरू विद्यमान छन् । झन्डै ईशापूर्व १० हजार साल पहिलादेखि । कुकुरको मूल विशेषता यही हो कि यो भुक्न सक्छ, आक्रमण गर्न सक्छ । कुकुर मालिकभक्त पनि हुन्छ । मालिकको लागि ज्यानै दिने कुकुरहरू पनि पाइन्छन् ।
कुकुरका झन्डै सात सय एक विशुद्ध प्रजातिहरू पाइन्छन् । मिस्कट र भुस्याहा जाति प्रजाति भने थुप्रै हुन्छन् । हजारौं । झन्डै दुई सय पचास प्रजातिका कुकुरहरू घरमा पाल्नका लागि योग्य मानिन्छन् । अफगान हाउन्ड, अकिता, अलास्कन मलाउमट, अस्ट्रेलियन कैटल, अस्ट्रेलियन केल्पी, अस्ट्रेलियन सिल्की टेरियर, एल्सेसियन, बीगल, बेल्जियन सेर्फड, जर्मन सेर्फड, ब्लड हाउन्ड, बक्सर, बि्रटिस बुलडग, शिहुआहुवा, जर्मन प्वाइन्टर, डोवरम्यान, ल्याबराडोर प्यापिलन, माल्टेज, पमेरियन, पुडल, साइबेरियन हस्की, तिब्बती स्पानियल, गोल्डन रिटि्रवर, ग्रेट डेन, आइरिस सेटर, आइरिस वुल्फहाउन्डजस्ता प्रजातिका कुकुरहरू विश्वका सर्वाधिक लोकपि्रय प्रजातिहरू मानिन्छन् । बोर्डर कोली, पुडल र गोल्डन रिटि्रवर सबैभन्दा समझदार कुकुर मानिन्छन् । अफगान हाउन्ड भने सबैभन्दा मूर्ख र ल्वाँदे कुकुर मानिन्छ ।
पशु अधिकारकर्मी तथा अधिवक्ता Colleen Paige ले पहिलोपटक कुकुर (शेल्टी) एडप्ट गरेको दिनको स्मरणमा सन् २००४ देखी हरेक अगस्ट २६ का दिन अन्तर्राष्ट्रिय कुकुर दिवस मनाउन थालिएको हो ।
नेपालमा पनि सदियाैंदेखि कुकुर मानिसको साथीका रूपमा रहँदै आएको छ । नेपालमा पछिल्लो समय कुकुरसँग सम्बन्धित व्यवसाय पनि निकै फस्टाएको छ । राणाकालीन समयमा खिचिएका तस्बिरहरूमा हामी मानवसँगसँगै कुकुर रहेको देख्न सक्छाैं ।
मुख्य तस्बिरमा, वि.सं २०३१ सालमा खिचिएकाे काठमाडौंमा आयाेजित कुकुर प्रदर्शनी प्रतियोगिताकाे पुरस्कार वितरण समारोह ।
सन्दर्भ सामाग्री
विभिन्न अनलाइनहरू
एलन भान हिले
https://www.rct.uk/