पढ्न लाग्ने समय : 2 मिनेट
सामाजीक सञ्जालमा केहि दिन यता महाकवि लक्ष्मीप्रसाद देवकोटाको जन्मघर भत्काइएको विषयले चर्चा पाइरहेको छ ।
महाकवि लक्ष्मीप्रसाद देवकोटाको डिल्लीबजार धोबीधारास्थित जन्मघर 'बाटुले घर' यथास्थितिमा रहेको हरिग देवकोटाले आफ्नो फेसबुकमार्फत स्पष्ट पार्नुभएको छ । उक्त घर महाकवि देवकोटाका पिता पण्डित तीलमाधव देवकोटाले निर्माण गर्नुभएको थियो ।
महाकवि लक्ष्मीप्रसाद देवकोटाको जन्मघर ।
बाटुले घरमा महाकवि देवकोटाले ३८ वर्ष बिताउनुभएको थियो भने पारिवारिक अंशबण्डामा मैतिदेवीस्थित हालको कवि गल्लीको जग्गा रोजी घर बनाउनुभयो । महाकवि देवकोटाका पुत्र तथा अंग्रेजी साहित्यका प्राध्यापक डाक्टर पद्म देवकोटाका अनुसार वि.संं २००० सालमा मैतिदेवीस्थित हालको घर (कविकुञ्ज) मा उहाँहरू सर्नुभएको थियो । महाकविको जीवनको उत्तरार्धमा यहि घरमा बितेको हो । पछि महाकविका सन्ततिहरूबीच अंशबण्डा हुँदा मैतिदेवी तर्फबाट मोटर-बाटो खोलिएपछि सो घरलाई “मैतिदेवीको घर” भन्न थालियो।
हिन्दी भाषामा भाषण गर्न खोज्नेलाई महाकवि देवकोटाको जवाफ
२०७२ सालको भुकम्पले क्षतिग्रस्त भएको कविकुञ्ज अहिले नेपाल प्रज्ञा प्रतिष्ठानले संग्राहलय निर्माणका लागि भत्काइरहेको छ ।
सन्दर्भ सामाग्री
पद्म देवकोटा
हरिग देवकोटा