पढ्न लाग्ने समय : 1 मिनेट
गायत्री, दीक्षा, वेद मन्त्र सुनाउने र शिक्षा दिने गुरूजनप्रति सम्मान गरी हरेक वर्ष आषाढ शुक्ल पूर्णिमाका दिन गुरू पूर्णिमा मनाउने गरिन्छ ।
‘गु’को अर्थ अन्धकार र ‘रू’ भन्नाले प्रकाश बुझिन्छ । ज्ञानरुपी प्रकाशले अज्ञानरुपी अन्धकारको नाश गराउने व्यक्तिलाई गुरू भनिने तन्त्रशास्त्र र धर्मशास्त्रका पुस्तकमा उल्लेख गरिएको धर्मशास्त्रविद्हरूको तर्क रहेको छ ।
अन्धकारको नाश गरी जीवनमा उज्यालो फैल्याउने व्यक्तित्वलाई नै गुरू भनिन्छ । यस्ता गुरूलाई हाम्रो शास्त्रले ब्रह्मा, विष्णु र महेश्वरका रुपसमेतमा मानेको छ । यसैले विभिन्न ग्रन्थमा यसो भनिएको पाइन्छः
गुरूर्ब्रह्मा गुरूर्विष्णु गुरूर्देवो महेश्वर: ।
गुरू: साक्षात् पर ब्रह्म तस्मै श्री गुरवे नम: ।।
माता पिताजस्तै गुरूलाई पनि देवता समान मानी ‘आचार्यदेवो भव’ भनिन्छ ।
गुरूपूर्णिमाका अवसरमा यस दिन विभिन्न विद्यालय एवम् सङ्घ संस्थाले कार्यक्रम गरी शिक्षा, दीक्षा दिने गुरूप्रति श्रद्धाभाव प्रकट गर्ने गर्दछन् ।