श्रावण ६, गायक अरूण थापा स्मृति दिवस
पढ्न लाग्ने समय : 1 मिनेट
आधुनिक नेपाली संगीत जगतमा अरूण थापाको छुट्टै पहिचान स्थापित भएको छ । उनको जादूमय स्वरले नेपाली गीत संगीतमा अनुपम टेष्टका गीतहरू जन्मे। २००९ साल माघ ११ जन्मिएका उनले ३० वर्षे गायन जीवनमा दर्जनौं गीत गाए। उनले प्रेमीहरूका आँखामा मात्र नभई करोडौं श्रोताका आँखामा आँसु ल्याए। घाउमा मल्हम लगाए। प्रेमलाई उत्सव बनाए।
सन् १९७१ मा अरूण थापाले रेडियो नेपालमा आफ्नो पहिलो गीत रेकर्ड गराएका थिए।
सन् २००३ मा बीबीसीको एक सर्वेक्षणले उनले गाएको ऋतुहरूमा तिमी... बोलको गीतलाई विश्वकै शीर्ष १० प्रेमगीत घोषित गरेको थियो ।
भुलुभुलु लाग्यो मलाई...,आखाँको निद खोसी लाने....., साझँको जुन सँगै .... ,म रोएपनि, जस्ता कालजयी गीतहरु गाएर जाने अरुण थापा कुलत र नशाको कारणले २०५६ साल साउन ६ गते ४७ वर्षको अल्पायुमै संसारबाट बिदा भए ।
सन्दर्भ सामाग्री
अमृत गुरूङ
विभिन्न अनलाइनहरू