बेलायतको प्याडिङटन रेलवे स्टेशनमा बुधबार बिहान (२३ जुन)मा एक समारोह बीच औपचारिक रुपमा सुरुवात गरिएको रेलवे सन्चालक ग्रेट वेस्टर्न रेलवेले बताएको छ । सो समारोह पुनले भिसी पाएको ७५ वर्ष पुगेको अवसरमा अघिल्लो साल नै गर्ने योजना बनाइएको भए पनि कोरोना महामारीका कारण रोकिएको थियो ।

सो नामकरण समारोहमा ख्यातिप्राप्त अभिनेत्री जोअना लुम्ले साथै भिसी पुनका परिवारका सदस्यहरुको उपस्थिति रहेको थियो । भिसी पुन दोस्रो विश्वयुद्धमा भिक्टोरिया क्रस पाउँदा २१ वर्षका मात्र थिए ।

सन् १९४०मा बेलायती सेनामा भर्ती भएका पुनले दोस्रो विश्वयुद्धमा बर्माको लडाइँमा अद्वितीय युद्धकला प्रदर्शन गरेवापत बेलायतको सर्वोच्च सैन्य पदक भिक्टोरिया क्रस पाएका थिए। यिनको २०६८ बैशाख ७ गते मृत्यु भएको थियो । उनी मुटुको समस्याबाट पीडित थिए। बेलायतस्थित चिज्विक वार मेमोरियल होममा बस्दै आएका पुन ६७ चैत्र महिना नेपाल फर्केका थिए। उनका श्रीमती दुई छोरा र आठ छोरी छन्। 

स्वास्थ्योपचारका लागि बेलायत जान भिसा आवेदन गर्दा भिसा अस्वीकृत भएपछि चर्चामा आएका पुनलाई गोरखा भूपू सैनिक सङ्घ (गेसो), हलिउडकी अभिनेत्री जोना लुम्ले र बेलायती जनताले विशेष पहल गरेका थिए। अभिनेत्री लुम्लेले उनलाई पिता मान्थिन्। उनी गोरखाहरूको न्यायिक आन्दोलनमा पनि सक्रिय थिए।

बेलायतको प्रतिष्ठित गोरखा सैनिकहरुले हालसम्म १३ वटा भिक्टोरिया क्रस पाएका छन् ।

यो पनि पढ्नुहोस् पानीले भरिएको गाग्री बोकेर बेलायत यात्रा

सन्दर्भ सामाग्री
विभिन्न अनलाइनहरू